D.Palindrom Altsətir

Uzunluğu $N$ olan və yalnız rəqəmlərdən ('0'–'9') ibarət $\text{str}$ sətri və $S$ tam ədədi verilir.

Aşağıdakı hər iki şərti ödəyən ən uzun alt sətrin (ardıcıl simvollar blokunun) uzunluğunu tapın:

• Alt sətrin rəqəmlərini yerlərini dəyişməklə (yenidən düzməklə) palindrom əldə etmək mümkündür.
• Alt sətirdəki bütün rəqəmlərin cəmi $S$-dən kiçik və ya ona bərabərdir. Əgər hər iki şərti ödəyən boş olmayan alt sətir yoxdursa, $0$ çap edin.

Qeyd. Palindrom — soldan sağa və sağdan sola eyni oxunan sətirdir (məsələn, 121, 1221 və ya 2).

Nəzərə alın ki, 0 rəqəmi cəmə $0$ əlavə edir, lakin yenə də alt sətrin bir simvolu sayılır.

Giriş verilənləri

• Birinci sətirdə iki tam ədəd $N$ və $S$ verilir $(1 \le N \le 10^5,\ 1 \le S \le 10^6)$ — sətrin uzunluğu və rəqəmlərin icazə verilən maksimal cəmi.
• İkinci sətirdə uzunluğu $N$ olan, yalnız 0-dan 9-a qədər rəqəmlərdən ibarət $\text{str}$ sətri verilir. Sətir 0 ilə başlaya bilər.

Çıxış verilənləri

Bir tam ədəd çap edin — bütün şərtləri ödəyən alt sətrin maksimal uzunluğu. Belə alt sətir yoxdursa, $0$ çap edin.

Qiymətləndirmə

• Alt tapşırıq 1 — 10 bal: $1 \le N \le 20$.
• Alt tapşırıq 2 — 20 bal: $1 \le N \le 2000$.
• Alt tapşırıq 3 — 30 bal: $S \ge 9N$ (cəm şərti həmişə ödənir).
• Alt tapşırıq 4 — 30 bal: $\text{str}$ yalnız 0 və 1 rəqəmlərindən ibarətdir.
• Alt tapşırıq 5 — 30 bal: $\text{str}$ tərkibində 0 rəqəmi yoxdur və $S \le 100$.
• Alt tapşırıq 6 — 80 bal: əlavə məhdudiyyət yoxdur; əsas məhdudiyyətlər $1 \le N \le 10^5$ və $1 \le S \le 10^6$ qüvvədədir.

Ümumi bal $200$-dür. Alt tapşırığın balı yalnız həmin alt tapşırığın bütün testləri uğurla keçdikdə verilir.

İzah

12321 alt sətrinə baxaq:

• Uzunluğu $5$-dir.
• Rəqəmlərinin cəmi $1 + 2 + 3 + 2 + 1 = 9 \le 15$.
• Rəqəmlərindən palindrom düzəltmək olar (əslində alt sətrin özü artıq palindromdur). İndi 123214 alt sətrinə baxaq. Rəqəmlərinin cəmi $13 \le 15$-dir, lakin rəqəmlərindən palindrom düzəltmək mümkün deyil, çünki birdən çox rəqəm (3 və 4) tək sayda təkrarlanır.

Bütün 12321456 sətrinin rəqəmlər cəmi $24 > 15$ olduğundan o da uyğun deyil. $5$-dən uzun uyğun alt sətir yoxdur.

8 15
12321456

5